312

REGISTRES DU BUREAU

[1554]

esté envoyées et signées par mons^r Bourdin qui en avoit eu le commandement; toutesfois, pour quelques difficultez qui sont survenues, nous avons esté contrains les faire refformer et de les envoyer pour les fere resigner et seeller. Et pour autant que nous nous doubtons que led. Bourdin estoit à la suitte du Roy, comme avons esté depuis advertiz qu'il est, nous vous avons bien [voulu] advertir qu'il vous plaise en son absence les vouloir signer, et le bien et

plaisir que nous ferez en cest endroict nous mènerons peine le recongnoistre au vostre. Moss'

"Nous prirons Nostre Createur vous donner sa grace et en santé bonne vye et longue.

"A Paris, le vi" jour de Juillet 1554.

"Les tous entierement vostres freres et bons amys,

"Les Prevost des Marchans et Eschevins de la Ville de Paris."

DXCVI. — Lettres de par la Ville à Mons' le Garde des Seaulx ,

TOUCHANT LES FONTAINES.

6 juillet 1554. (B fol. 357 r'.)

Monseigneur, "Nous sommes tous les jours pressez et importunez par ceulx qui ont des fontaines en ceste ville, affin de les en laisser joyr comme ilz ont faict par cy devant, mesmes de ceulx qui ont fontaines en leurs maisons quilz ne servent au public. Traittant les choses en la plus grande doulceur qui nous a esté possible, nous avons donné delay à tous ceulx qui nous l'ont demandé, affin d'eulx pourveoir par devers le Roy affin de nous fere commander et ordonner ce qu'il luy plairoit. Tous Ies delayz expireront le xv^e de ce moys. H a esté advisé que nous vous escriprions la presente affin d'entendre de vous si, les delaiz passez, vous ne trouverez pas bon,sans autre semonce ou interpellation, que nous proceddions à l'execu-

tion des Lettres patentes du Roy, et à remettre au public ce qui a esté desrivé et destourné.

"Nous vous supplions de faire expedier les provisions que nous avons envoyées par delà, mesmes pour pacifier le différend que nous avons avec le viconte Griffon et Charles, pour raison d'une office de mesureur de charbon'¹': vous serez cause de mettre ung repoz en ceste Ville pour l'advenir. Monseigneur,

"Nous prirons Nostre Createur vous donner sa grace et en santé bonne vie et longue.

"A Paris, lévi⁰ Juillet i 554.

"Voz trés humbles obéissans serviteurs,

"Les Prevost des Marchans et Eschevins de la Ville de Paris, n

DXCVII. — Ordonnance touchant Mons¹" de Vigny,

DONT LA TENEUR ENSUYT.

6 juillet 1554. (B fol. 358 r°.)

Du vi^e jour de Juillet 1554. A esté ordonné que m^e François de Vigny, assistera à la reddition des comptes des Quarteniers

avec mons^r d'Amboille, pour deffendre le droict de la Ville: et pour ce faire, ce present acle lui sera delivré.

DXCVIII.

CERTIFFICATION

6 juillet 1554

TOUCHANT LE BOYS DE CHAUFFAGE. . (B fol. 358 r°.)

mosle de boys a vallu ordinairement au port de Greve à Paris, pour les années finissant es jours sainct Jehan Baptiste m v^c lui et liiii; et après que moy, Greffier delad.Ville soubzsigné, me suis enquis à plusieurs marchans de lad. marchandise dud. boys et à aucuns jurez mosleurs, compteurs d'icellui bois qui estoient du temps dessusd, et sont encores à

Extraict des Registres de l'Hostel de la Ville de Paris du vi" jour de Juillet m v° uin.

«Sur ce que messire Anthoine Bohier, chevalier, s^r de La Chesnaye et d'Ange, Conseiller du Roy Nostre Sire, Tresorier de France et General de ses Finances en la charge de Bourges, a requis certiffication du Greffier de lad. Ville de ce que chascun

O II a été question plus haut de cette affaire : voir Ies articles DXCII et DLIX.